Поплаки по електронска пошта − пополнетиот формулар што е достапен на нашата веб-страница потребно е да го испратите на kontaktcentar@stb.com.mk

Формулар

• Писмена поплака може да се достави во секоја филијала на Банката со пополнување на образецот за поплаки или
• По пошта на следнава адреса:

Стопанска Банка АД Скопје

(Служба за грижа на клиенти)

Ул. „11 Октомври“ бр.7

1000 Скопје

За да ни овозможите да ви одговориме навремено и поефективно, со поднесувањето на вашата поплака потребно е:

• да ги наведете вашите лични податоци (име и презиме и податоци за контакт);
• да наведете како би сакале да го добиете нашиот одговор;
• да го опишете вашиот проблем во целост.

Ова ќе ни помогне да направиме соодветна анализа.

Откако ќе ја добиеме вашата поплака, ви испраќаме потврда за приемот на поплаката.
Со преземање на барањето за обработка, секое барање добива уникатен (референтен) број (RN) и автоматско регистрирање на датумот на прием, а испраќачот повратно на e-mail добива автоматска порака со известување за референтниот број на барањето.

Во меѓувреме, спроведуваме целосна анализа за случајот и ако ни требаат повеќе информации, ве контактираме.
По разгледувањето на вашиот случај ве информираме за одговорот (на пр. предложено решение, појаснувања што можеби ни требаат итн.).

Нашите клиенти се во фокусот на нашата деловна активност. Со други зборови, наша основна грижа е да го почитуваме и негуваме нашиот добар однос со вас, нашиот клиент, ставајќи посебен акцент на обезбедување првокласни услуги и задоволување на вашите потреби.

Соодветно на тоа, Банката има воспоставено Политика за постапување по поплаки од клиенти што ги применува најдобрите практики за управување со прашањата на клиентите.

Нашата цел е да најдеме решенија во духот на добра волја, транспарентност и непристрасност земајќи ги предвид сите посебни карактеристики на секој случај.

Процедурите што ги применуваме при постапување по поплаки произлегуваат од нашите принципи.

За нас најважно е следново:

• сите клиенти се третираат подеднакво и нивните интереси се подеднакво заштитени;
• сите поплаки се управуваат со добра волја, и во согласност со деловната етика и законската применлива регулаторна рамка;
• секоја поплака е посебно прашање за клиентот и соодветно го третираме секој случај со должно внимание, чувствителност и разбирање;
• секоја поплака се истражува соодветно и без дискриминација, со собирање и обработка на сите релевантни податоци и информации, правиме максимални напори да ги решиме поплаките брзо и со тоа да им служиме на клиентите на најдобар можен начин.

Откако ќе ги собереме сите информации во врска со вашиот случај и ќе комуницираме со релевантните организациски единици на Банката, рокот во кој треба да се одговори на поплаките на клиентите е 15 работни дена од датумот на регистрирање на поплаката во централната евиденција на СБ.

Во случај поради значајна причина да не може да се обезбеди одговор во наведениот временски период, ќе ве известиме за причината за доцнењето.