Нерезидентни сметки

Нерезидентни сметки

Нерезиденти сметки може да отворат правни лица регистрирани во странство, хуманитарни организации со седиште во странство, како и дипломатски и конзуларни претставништва и претставништва на меѓународни организации акредитирани во Република Северна Македонија.

Странски правни лица може да отворат платежни сметка во сите филијaли на Стопанска банка АД - Скопје.
Пред да се воспостави деловен однос, клиентот пополнува Questionnaire for expressing intent for establishing business relation with Stopanska banka

Потребни документи за отворање платежна сметка за нерезидент правно лице се следниве:

• Писмено барање за отворање на платежна сметка и за располагање со средствата на сметката, потпишано од законскиот застапник на правното лице, во оригинал.
  
• Апликација за идентификација / ажурирање клиент правно лице со пополнети сите задолжителни податоци, вклучувајќи го и делот за краен сопственик, во оригинал
  
• Документи за лична идентификација на законските застапници, овластените потписници и вистинските сопственици на правното лице
  
• Документ за регистрација на странското правно лице издаден од надлежен орган, извод од трговскиот регистар или друг регистар каде што се води евиденцијата за правните лица во државата во која е регистриран субјектот не постар од 6 месеци, од кој може да се утврди законскиот застапник, датумот на неговото основање, називот, адресата, седиштето и дејноста што ја врши, управители, сопствениците, во оригинал или копија заверена кај нотар или овластена институција во домицилната држава заверена кај нотар или овластена институција во домицилната држава.
  
• Документи за утврдување на сопственичка структура
  
• Потврда за платени даноци издадена од даночен орган
  
• Финансиски извештаи/завршна сметка за последната година
  
• Очекувани приливи и очекувани одливи со износи и налогодавачи/ налогопримачи (може на меморандум од фирмата, потпишано од управител)
  
• Бонитет од банка во матичната држава
  
• Опис на дејноста и опис на активностите на територијата на РСМ/правни и физички лица со кои соработуваат на територијата на РСМ (може на меморандум од фирмата, потпишано од управител).
  
• Картон за овластени потписи
  
• Рамковен договор за платежни услуги
  
• Општи услови и правила за работа со платежна сметка на правни лица и други услуги за правни лица
  
• Други документи (Банката има право да побара од клиентот да достави дополнителни документи за проверка и засилена анализа на работењето на странското правно лице)

За нерезидент правно лице - дипломатско претставништво на странска земја или претставништво на меѓународна организација документ издаден од Министерство за надворешни работи на Република Северна Македонија или извод од Централниот регистар на Република Северна Македонија, како и полномоштво на одговорното лице во претставништвото, во оригинал или копија заверена кај нотар.

Наведените документи се доставуваат во оригинал на македонски јазик, преведени од овластен преведувач.
Идентитетот на застапникот по закон и на лицата овластени за располагање со средствата на платежната сметка на правното лице нерезидент се утврдува врз основа на следниве документи:

• важечки документ за идентификација (важечка лична карта или пасош со адреса на живеење)
  
• информација / изјава дали правното лице нерезидент има акции / удели на доносител
  
• апликација за идентификација / ажурирање клиент физичко лице пополнета целосно во сите задолжителни полиња

Располагање со средствата на платежните сметки на нерезидентот правно лице

• Стопанска банка овозможува трансфер по налог на нерезидент во девизи и во денари во согласност со законските прописи во земјата
  
• Уплати и исплати во ефектива и во денари во согласност со законските прописи во земјата

Ажурирање на документација

Во согласност со одлуката за начинот и за условите за отворање и за водење сметки на нерезиденти, документите за идентификација и за регистрација на клиентите нерезиденти правни лица задолжително се ажурираат најмалку еднаш во текот на една година, со презентација на извод од трговскиот регистар или друг регистар каде што се води евиденцијата за правните лица во земјата во која е регистриран субјектот не постар од 6 месеци, од кој ќе може да се утврди дека правното лице работело во континуитет во периодот по отворањето на сметката, односно од периодот на последното ажурирање.

Доколку клиентот нерезидент правно лице по истекот на една година не ја обезбеди потребната документација за ажурирање, како и доколку на платежните сметки во банката нема промет повеќе од две години, банката постапува во согласност со важечката регулатива, која во моментот предвидува блокада на сметките.