26. 11. 2022

Започна акцијата „Зелен ѕид“

Со денешната акција во центарот на Градот, Стопанска банка АД - Скопје ја најави својата најнова општествено одговорна активност која го носи работниот наслов „Зелен ѕид“.

Во рамки на оваа активност, Банката ќе обезбеди за Скопје повеќе од 1.200 високи, млади дрва и истите со помош на стручните служби од Градот ќе ги посади на пешачката патека долж кејот на Вардар во неколку фази во следните 2 години.

За почеток, младите вработени и младите менаџери од Банката заедно со своите семејства засадија мал парк со високи стебла од видот јапонски цреши на локацијата покрај мостот „Мајка Тереза“ во центарот на Градот. Приликата да се учествува во оваа инвестиција во нашата животна средина и планирањето на градското зеленило на долг рок, беше одлично прифатена од вработените а посебен придонес за доброто расположение даде и пријатното сончево време.

Акцијата „Зелен ѕид“ продолжува веќе следната недела кога ЈП Паркови и зеленило ќе почне да ги засадува првите 350 стебла млади дрва од повеќе автохтони видови на планираниот потег долж кејот на реката Вардар.

Секој чекор направен во правец на зголемување на зеленилото во урбаните средини придонесува за подобрување на квалитетот на воздухот и ја подобрува животната средина за сите. Токму затоа, Стопанска банка АД - Скопје го започнува проектот, со поддршка од своите вработени во создавање подобро утре за сите.

Стопанска банка АД - Скопје
На ваша страна