26. 2. 2025

Внимание - актуелна е измамничка e-mail кампања

Почитувани,

Деновиве повторно е актуелна измамничка кампања преку испраќање лажни e-mail пораки со малициозни прилози, во кои испраќачот се претставува во име на Стопанска банка.

За жал, со развојот на технологијата, покрај позитивните промени се појавуваат и вакви криминални активности, па потребно е да се реагира будно, трезвено и многу внимателно.

Самата порака поседува голем број на елементи кои укажуваат на тоа дека се работи за измамничка:
- голем број на граматички грешки,
- содржи не валидна е-mail адреса од Стопанска банка АД Скопје (Dragana.vulovik.stb.com?.mk),
- пораката во себе содржи малициозен додаток со чудно и нестандардно име,
- додатокот “SWIFT 19802???????.PDF……z” е архивиран со цел да спречат вашите mail сервери автоматски да го детектираат и запрат нападот,
- Со отпакување на додатокот (Win zip / 7-zip и др.) се активира извршна апликација (*.exe) на вашиот уред, која е малициозна.

Би сакале да ве информираме дека:
- порака сама по себе не е малициозна и ако сте ја добиле во вашето e-mail сандаче вашиот уред не е во опасност,
- ако сте направиле reply на пораката, вашиот уред не е во опасност
- додатокот во пораката “SWIFT 19802???????.PDF……z” во случај да сте го симнале локално, вашиот уред не е во опасност, се додека истиот не биде отпакуван / деархивиран,
- во случај да сте извршиле деархивирање и активација на додатокот, препорачуваме веднаш да извршите Комплетно скенирање на Вашиот уред со било кое анти-вирусно решение,
- Ваков вид e-mail пораки потребно е веднаш да ги бришете.

Стопанска банка како одговорна Банка навремено презема активности за спречување на сите злонамерни кампањи насочени кон Банката или нејзините клиенти, и соодветно презема активности за навремено информирање и подигнување на свеста за сите нови напади и закани.

Стопанска банка АД - Скопје
На ваша страна