6. 6. 2022

Уште едно „Вози право, вози здраво“ успешно реализирано

По шести пат привремено го ослободивме центарот на Скопје од густиот сообраќај и масовно се движевме на велосипеди, тротинети, ролерки, скироли и со бебешки колички. Граѓани од сите возрасти се приклучија во ревијалната трка и покажаа дека градот Скопје има желба и има можност да биде помирен, почист и поздрав!

Кампањата „Вози право, вози здраво“ секоја година кулминира со настанот ревијална трка и забава во градскиот парк, но продолжува во текот на целата година да ги промовира предностите на велосипедот како форма на урбан транспорт не само индивидуално туку и за целото окружување.

Стопанска банка АД - Скопје повторно успешно го реализираше настанот на кој зедоа учество рекорден број на граѓани. По завршување на трката, во паркот продолживме со забава и награди до 20 часот.

Банката сака да изрази благодарност за сите учесници, за сите посетители, за компаниите партнери на настанот - Горска вода, Витаминка Прилеп, Пивара Скопје, Фриком и Никоб обезбедување и посебна благодарност за Град Скопје кои покрај поддршката во организација на настанот оваа година доделија и награда како дел од лотаријата - вредносен ваучер. Наскоро со администрацијата на Градот ќе ја објавиме и донацијата на урбана опрема во промоција на велосипедизмот и за оваа година.

Секако, лицата на настанот и оваа година беа водителите Марко Марк и Цеце Тодосовска а придружени беа и од Александар Матовски - Цако кој ја презеде улогата и на водител и на DJ. Сцената ја развеселија бендот ConTruDJ, Крафт продукција со паркур и хип хоп настапите како и DJ Иван.

Информации за добитниците од лотаријата, фотографии и видео од настанот се достапни на нашата веб страница.

Продолжуваме да возиме право и да возиме здраво!

Стопанска банка АД - Скопје
На ваша страна