Почитувани корисници на i-bank услугите од Стопанска банка АД – Скопје, ве информираме дека Банката со почетокот на годината воведе новитет во користењето на i-bank услугите - софтверски токен за плаќања преку телефонско банкарство, e-banking и m-banking. Постепено, корисниците на OTP уредите ќе може да се пренасочат кон користење на ова дигитално решение кое е вградено во бесплатната мобилна апликација на Банката.

Па така, со новата верзија на мобилната апликација, достапна бесплатно и за iOS и за Android уредите, на главното мени може да се забележи полето TOKEN. Меѓутоа, за да почнат да го користат софтверскиот токен, потребно е клиентите да се обратат во најблиската филијала со цел замена на OTP уредот и активирање на персонализираниот софтверски токен.

Со овој едноставен чекор клиентите добиваат во својот телефонски уред, безбеден модел за генерирање на еднократни лозинки за потпишување на налози преку телефонско банкарство, e-banking и m-banking. Клиентите кои не користеле физички OTP уред можат во најблиската филијала да побараат директно да им се овозможи користење на персонализираниот софтверски токен.

Дознајте повеќе за добивање и користење на софтверскиот токен за плаќања, а за совети и дополнителни информации обратете се во најблиската филијала на Банката или во 24/7 контакт центарот на (02)3100 109.

Стопанска банка АД – Скопје

На ваша страна