25. 6. 2024

Прогласени националните победници на Microsoft Office Specialist 2024

Во просториите на Semos Education денес се одржа државниот натпревар од кој го добивме овогодинешниот Microsoft Office Specialist - Сердар Цветков од СЕТУ „Михајло Пупин“ од Скопје.

Светскиот натпревар Microsoft Office Specialist, претставува глобален натпревар кој ги тестира вештините на учесниците во Microsoft Word®, Excel® и PowerPoint®. Со учество на овој натпревар средношколците добиваат одлична прилика да ги покажат своите вештини, да се забавуваат но и да остават впечаток кај другите учесници, притоа стекнувајќи се со меѓународно признат сертификат и дигитален беџ кој дополнително им ги зголемува можностите за понатамошно вработување.

На прогласувањето на победниците, пред присутните финалисти и нивните ментори, пред организаторите и Градоначалничката на Град Скопје г-а Данела Арсовска, г-а Татјана Калајџиева, Сениор директор за продажба и мрежа на филијали изјави:
“Огромно задоволство е да се биде во друштво на амбициозни млади сограѓани кои уште од средношколски клупи сакаат да покажат дека можат и дека знаат да се носат со глобалните трендови. Честитки на сите финалисти, вие сте најдобрите од вашите генерации и треба да се гордеете со постигнатото. Секако, честитки за победниците и за нивните ментори чијашто заложба е влог за подобра иднина. Стопанска банка оваа година одбележува 80 години од постоењето и една од активностите која ја негуваме овие 80 години е да создаваме подобро утре заедно, за сите, преку поддршка на младите, на науката, на уметностите и на тој начин да го надополнуваме чувството за ДОМА.“

Сите финалисти од Банката и оваа година добиваат 5.000денари како награда за постигнатиот успех.
Честитки за организаторите, менторите и учесниците!

Стопанска банка АД - Скопје
80 години на ваша страна