29. 3. 2023

Продолжува акцијата „Зелен ѕид“ со втора, пролетна фаза

Продолжуваме со реализацијата на најголемиот зелен проект досега „Зелен ѕид“. Додека првите 380 дрвја насадени во ноември веќе почнуваат да раззеленуваат, од денес екипите на ЈП „Паркови и зеленило“, по налог на Град Скопје ќе засадат нови 300 зрели високи садници дрвја од видот: липа, црвен даб, багрем, јавор, црвен јавор и прунус и дополнително 1.200 ниски украсни зеленила кои Банката ги донира за потребите на ЗОО Скопје.

Со втората фаза опфатен е следниот потег на пешачката патека покрај Кејот на Вардар, од Националната арена „Тоше Проевски“ до мостот „Близнак“.

Изборот на садниците, периодот на садење, почвата и начинот на нивно одржување се подготвени во соработка со стручни лица при Факултетите за шумарство и за земјоделство со цел максимална успешност на садниците и нивно брзо вклучување во трајното зеленило на Градот.

Секој чекор направен во правец на зголемување на зеленилото во урбаните средини придонесува за подобрување на квалитетот на воздухот и ја подобрува животната средина за сите. Токму затоа, Стопанска банка АД - Скопје го продолжува проектот „Зелен ѕид“, со поддршка од своите вработени во создавање подобро утре за сите.

Стопанска банка АД - Скопје
На ваша страна