15.07.2019

Поддршка и за традиционалното и за новото

Стопанска банка АД - Скопје како Банка со најдолга историја на пазарот, традиционално обезбедува поддршка на настани од клучно значење за културата и промоцијата на нашите вредности.
Оваа година, во истиот викенд се одвиваа и отворањето на Охридско лето како и Галичка свадба. Манифестации со кои се гордееме и за кои се подготвуваме во текот на годината. Покрај тоа што привлекуваат бројна домашна публика, овие 2 манифестации го привлекуваат вниманието и на светската јавност затоа што зрачат со уникатна содржина, автентична на поднебјето.

Охридско лето со отварањето во единствениот Антички театар и богатата програма која следи како и тродневната свадбена церемонија во живописниот Галичник заслужуваат поддршка и го поздравуваме нивното успешно остварување уште една година.

Стопанска банка АД - Скопје останува на страна на културата и на страната на заедницата од која потекнува и со која заедно создава трајни вредности.

Дополнително, веќе четврта година, Банката е еден од пријателите на Д-фестивалот во Дојран, еден од ретките фестивали со фестивалски камп во регионот. Покрај богатата музичка содржина, фестивалот нуди филмски, театарски и други уметнички перформанси, како и камп дружење за младите посетители. Нашиот ТОПСИ тим и оваа година обезбеди пинг-понг маса за рекреација, бројни интерактивни содржини и подароци за присутните. Со ТОПСИ брендот, посветен на младите од 18 до 28 години, Банката се приближува до своите клиенти на кои им е потребна финансиска едукација, и едноставни производи и услуги со кои ќе го почнат самостојното водење на финансиите, една од најзначајните вештини во денешно време. Добро е што ТОПСИ брендот може природно да се вклопи во ваквите настани како Д-фестивалот и да стане препознатлив и прифатен од посетителите.

Стопанска банка АД - Скопје

75 години на ваша страна