18. 5. 2023

Отворена регистрација за “Вози право, вози здраво“ vol. 7

Со задоволство го најавуваме седмото издание на Вози право, вози здраво нашиот најголем и најдраг општествено одговорен настан со кој промовираме велосипедизам како форма на урбан транспорт и директно влијаеме на подигнување на јавната свест за предностите кои замената на автомобилите во секојдневниот транспорт ги има за животната средина.

Накратко, во недела на 28.05 го ослободуваме центарот на Градот од сообраќајниот метеж и правиме вистински метеж од над 8.000 учесници секој на свој вид тркала: велосипеди, трицикли, тротинети, ролерки, скироли а добредојдени се и колички за бебе :)

Стартот е од Порта Македонија во 11* часот а целта е во Градскиот парк каде не очекува дополнително освежување, забава и вредна лотарија.

Регистрацијата е отворена на нашата веб страница и можете да се пријавите за учество најдоцна до 27 мај.

Веќе од 22 мај да си ги подигнете и редните броеви. Оваа година, локација за подигнување на редните броеви е Стопанска лизинг, на ул. Македонија веднаш до спомен куќата на Мајка Тереза.

Следете ги нашите профили на социјалните мрежи Instagram и Facebook и дознајте повеќе околу активностите поврзани со #ВозиПравоВозиЗдраво.

Се гледаме на стартот а до тогаш #ВозиПравоВозиЗдраво

Стопанска банка АД - Скопје
На ваша страна

*ВАЖНА ИНФОРМАЦИЈА: поради временските услови настанот од првично закажаниот термин во 17 часот е поместен и ќе започне во 11 часот!