О Г Л А С

(реф бр.2-04/2025)

  за продажба на превземен имот на

  Стопанска банка АД – Скопје

            Стопанска банка АД – Скопје ќе изврши продажба на следниот имот:

1. Деловни простории во Битола на ул.Јадранска со вкупна површина од 68м2 (ПР) за минимална/почетна цена од 32.500 ЕУР,
2. Стан во Скопје, населба Чаир, (Комплекс Принц), на ул. Лазар Трпковски бр.88, стан 34,кат МА, со вкупна површина од 73м2 за минимална/почетна цена од 73.000ЕУР,
3. Стан во Скопје, населба Чаир (Комплекс Принц), на ул. Лазар Трпковски бр.88, стан 1,кат К1, со вкупна површина од 84м2 за минимална/почетна цена од 84.000ЕУР,
4. 2(две) куќи во Битола на ул.Кленоец бр.67, запишани во ИЛ 12300 за КО Битола 3, со површина од 88м2(ПР+01), односно 28м2(ПР) за вкупна минимална/почетна цена од 17.000ЕУР,
5. Производна хала во Кавадарци мв.Глишиќ, со вкупна површина од 5.322м2 и земјиште со вкупна површина од 6.553м2 за минимална/почетна цена од 572.000ЕУР
6. Куќа во Скопје, Сингелиќ, на ул.Жеглање 27Б, (ПО+ПР) со вкупна површина од 97м2 и земјиште – двор со вкупна површина од 254м2 и земјиште под објект со вкупна површина од 238м2 за минимална/почетна цена од 93.000ЕУР
7. Деловен простор во Богданци со површина од 62м2 запишан во имотен лист бр.1296 за КО Богданци за минимална/почетна цена од 40.000ЕУР.

Напомена: Стопанска банка АД Скопје има банкомат во деловениот простор, а избраниот купувач ќе склучи договор за закуп  со банката.

8. Зграда 9 (дел од комплекс за обработка на тутун од поранешен Јака Табак во Радовиш) објект-магацин со вкупна површина од 5007 м2 за минимална/почетна цена од 261.000ЕУР,
9. 9. Зграда 10 (дел од комплекс за обработка на тутун од поранешен Јака Табак во Радовиш) објект-магацин со вкупна површина од 4725 м2 за минимална/почетна цена од 205.000ЕУР,

Продажбата на имотот се врши на принцип видено-купено без допонителни приговори за било какви физички или правни недостатоци на имотот. Со уплата на депозит за лицитација,  се смета дека понудувачите се запознаени со правните недостатоци на овој имот, и ги прифаќаат истите.

Во цената на имотите под точка 1, 5, 7, 8 и 9  не е вклучен ДДВ од 18% и истиот го плаќа купувачот.

Данокот на промет на недвижност, како и трошоците околу преносот на правото на сопственост ги плаќа купувачот.

               Недвижниот имот се продава во готово или  на кредит.

                Доколку недвижниот имот се купува на кредит, понудувачот е должен пред доставување на понудата да ја утврди својата кредитна способност и за истата да достави потврда со доставената понуда. 

                Сите заинтересирани правни или физички лица за учество во купопродажбата треба да достават два поединечно затворени плика, од кои што едното плико (помалото) треба да биде затворено во другото плико (поголемото) при што:

• Поголемото плико треба читко да биде адресирано до Стопанска Банка АД Скопје – Служба за управување со имот ул.11 Октомври бр.7, Скопје и да стои ПОНУДА за купување на недвижноста и референтниот број на огласот од насловот. Внатре во големото плико да се наведе:
• Името и адресата на понудувачот и контакт телефон,
• Документ за идентификација на понудувачот (доколку понудувачот е физичко лице – фотокопија од важечка лична карта или пасош, доколку понудувачот е правно лице – фотокопија од Тековна состојба од Централен регистар на РМ не постара од 6 месеци),
• Потврда за уплатен депозит за учество на лицитација.

• На помалото плико да биде напишано “ПОНУДА-НЕ ОТВОРАЈ”, а внатре да се наведе:
• цената која се нуди за купување на недвижноста;
• согласност за плаќање на ДДВ од 18%;
• согласност за плаќање на данокот на промет на недвижности и трошоци за пренос на право на сопственост.

 Заинтересираните купувачи при поднесување на понудата треба да уплатат на жиро-сметка на Банката 200000000099029 - МКД 113660111  со назнака: ,,депозит за учество на лицитација”, средства во износ од 2% од минималната/почетна цена за имотот со минимална/почетна цена над 150.000 ЕУР; 5% за имотот со минимална/почетна цена помеѓу 50.000 ЕУР и 150.000 ЕУР и 20% од минималната/почетна цена за имотот со почетна минимална цена под 50.000 ЕУР.

Уплатениот депозит на успешниот понудувач се смета како дел од уплатата на купопродажната цена.

Во случај избраниот купувач да се откаже од намерата за купување на недвижниот имот, откога ќе биде официјално информиран дека неговата понуда е прифатена, уплатениот депозит ќе биде задржан од страна на СБ.

Стопанска банка АД – Скопје го задржува правото да не прифати ниедна од доставените понуди за купување, односно да не склучи договор за купопродажба. Во тој случај депозитот за учество на лицитација ќе биде вратен на понудувачот во уплатениот износ.   

Плаќањето на купопродажната цена на недвижниот имот се врши во денарска противвредност на еврото пресметана според  средниот курс на Народна банка на Република Северна Македонија на денот на плаќањето.

Рокот за доставување на Понудите е 10.04.2025година.

          Дополнителни информации на телефон: 02/3295-487,  02/3295-283, 02/3295-391

                                  Стопанска Банка АД - Скопје