28. 10. 2021

Одбележување на „Денот на штедење“ со зелена акција

Почитувани,

Оваа година одлучивме „Денот на штедење“ да го прославиме на „зелен“ начин, користејќи ги овие ретки сончеви денови за убава акција во која ве покануваме да се вклучите заедно со вашите семејства. Имено, како што е познато, Банката преку проектот „Вози право, вози здраво“ изгради на 2 локации во Скопје вело содржини кои ентузијастички се користат од децата и младите.


Поради covid-19 рестрикциите овие 2 години не бевме во можност да ги спроведеме нашите популарни масовни настани и целиот фокус на општествено одговорните активности беше насочен кон здравствениот систем и предизвикот во борбата против ковид. Но, тоа што сакаме сега да го направиме е на скромен начин да се потсетиме дека се грижиме за животната средина и за нашето непосредно окружување, па затоа во петок и сабота ќе организираме раззеленување и разубавување на двете вело локации.

Агендата за малите настани е во соработка со екипи на Паркови и зеленило:
•    Петок 29. 10. 2021 во парк Македонија спроти Веро2, Тафталиџе на СТБ Детскиот велодром од 10 до 13 часот садење поголема количина на цвеќиња
•    Сабота 30. 10. 2021 во Градски Парк околу ТОПСИ pumptrack од 10 до 13 часот садење на цвеќиња и дополнително зеленило (грмушки и дрвца)

Пораката зад овие активности е дека секоја инвестиција има свој плод за подобра иднина, а и дополнителната симболика во тоа да гледаш како твојата инвестиција расте и дава плод/цвет.
Без оглед дали е тоа инвестиција во пари, имот или во поздрава животна средина, потребно е да се размислува на иднината и да се создаваат здрави навики. Ако секое дете што ќе насади цвеќе, дрвце или грмушка почуствува дека направило нешто корисно за сопствената и за иднината на своите најблиски ќе знаеме дека сме ја постигнале целта.

Ве очекуваме заедно да го одбележиме „Денот на штедење“ и да го разубавиме нашето окружување.

ДОПОЛНЕТО: Слики од успешно спроведените зелени акции се достапни на нашиот Facebook профил

Стопанска банка АД - Скопје
На ваша страна