25. 5. 2022

Најава за ВОЗИ ПРАВО, ВОЗИ ЗДРАВО по 6ти пат

Стопанска банка АД - Скопје со задоволство го најавува шестото издание на „Вози право, вози здраво“ - општествено одговорен настан за промоција на велосипедизмот како форма на урбан транспорт што ја заштитува животната средина а воедно е корисна за здравјето и благосостојбата на човекот.

#ВПВЗ е кампања која Банката ја спроведува од 2015та година и која кулминира со ревијална трка низ скопските улици на илјадници учесници со велосипеди, тротинети, ролерки, скироли и со бебешки колички и голема забава во градскиот парк.

Повелете на шестото издание кое ќе се одржи на 5 јуни со старт од 18 часот пред Порта Македонија а целта е добропознатиот градски парк каде не очекува забава, освежување, награди и многу изненадувања.

Регистрацијата е веќе отворена и повеќе информации за настанот можете да најдете на нашата веб страница.

Банката повторно ќе се надоврзи на бројните досегашни донации за изградба и одржување на велосипедската инфраструктура која е клучна за градење на велосипедската култура кај граѓаните. За потсетување, од претходните изданија на ВПВЗ произлегоа: првиот детски велосипедски полигон, 14 станици за поправка на велосипеди, 105 паркинзи за велосипеди, поддршка за изградбата на првиот pumptrack полигон и изградба на вториот pumptrack полигон во Скопје – TOPSI Pumptrack. Се гордееме со сите овие урбани содржни кои граѓаните, посебно децата, активно ги користат во текот на целата година.
Донацијата од овогодинешниот настан ќе биде дополнително објавена во координација со Град Скопје.

Ве очекуваме заедно да ги освоиме улиците и да бидеме дел од промената која сакаме да ја видиме во светот.

Стопанска банка АД - Скопје
На ваша страна