31. 10. 2021

Наградени најдобрите шалтерски работници за 2021

По повод денот на штедење, светскиот празник за банките, веќе традиционално Македонската банкарска асоцијација (МБА) ги повикува банките во рамки на прославата да предложат листа на најдобри шалтерски работници за годината.

За оваа награда, банките избираат колеги кои во изминатата година покажале посебен успех во своето делување во филијалите: број на трансакции, остварена продажба и притоа покажале колегијалност и грижа за клиентите. Наградата е дотолку повеќе важна бидејќи ја доделуваат колеги за колеги, оддавајќи им признание и поттик за понатамошни успеси.

Оваа година нашите наградени колешки се:

• Маргарита Србиновска,Советник за СБ Ексклузив клиенти,филијала Струга,Западен Регион
• Мери Секуловска, Раководител на служба за продажба,Филијала Маџари,Регион Скопје
• Елена Атанасова, Раководител на Служба за продажба,Филијала Битола Веро,Централен Регион

Огромни честитки и се надеваме дека ќе продолжат со своето професионално и успешно однесување да бидат пример за нашата организација.

Стопанска банка АД - Скопје
На ваша страна