29. 12. 2023

Избрани проектите што ќе добијат вкупно 20.000 евра во рамки на „Сонуваме. Менуваме.“

Во рамки на петтото издание на „Сонуваме. Менуваме“, општествено одговорниот проект за поттикнување на инклузијата на лицата со попреченост во општеството, Стопанска Банка одобри грантови за проекти со вкупна вредност од 20.000 евра. Објавувањето на добитниците на финансиската поддршка се случува на денот кога Банката одбележува 79-години од своето основање.

Петтото издание на „Сонуваме. Менуваме“ годинава започна со повик до Асоцијации, училишта и здруженија на лица со попреченост да испратат барања за грантови за што Банката предвиде буџет од 20.000 евра. Годинава до банката пристигнаа рекорден број барања - вкупно 31 - и голем дел од нив во следниот период ќе бидат реализирани.

Заедно со годинашните добитници на грантови Банката заокружува над 80.000 евра донации во реализација на речиси 50 проекти како дел од „Сонуваме. Менуваме“.

Во рамки на годинашното издание на оваа општествено одговорна активност имаше пет прикажувања на новата инклузивна музичко - театарска претстава во Македонскиот Народен Театар во продукција на ОхО со омилените ликови од популарната ТВ-серија „5+ Фамилија“

- Низ игра, низ песна и низ смеа пренесовме порака до нашите најмлади сограѓани дека секој ден можеме да делуваме за да создадеме подобра иднина и подобар свет за сите. Богатата претстава изобилува со одлична сценографија, кореографија и впечатлива музика и ни претставува задоволство што можеме да најавиме дека во текот на 2024 година претставата ќе продолжи да се прикажува во МНТ и ќе продолжи да ја шири оваа значајна порака - велат од Стопанска Банка.

Комисијата која одлучуваше по однос на пристигнатите барања во предвид ги зеде и одобрените проекти од претходните години за да се одржи континуитет во видот и формата на проектите чија цел е да дадат подолгорочни ефекти во секојдневието на корисниците и да помагаат во условите и пристапот неопходни за едукација и правилен развој на корисниците.

Проектите со кратко објаснување и одобрените износи се прикажани во продолжение. Банката ќе ги контактира сите добитници и ќе пристапи кон соодветна реализација веќе во јануари.

1. ОУРЦ „Др. Златан Сремец“, Скопје – Набавка на интерактивна маса. Одобрен износ: 1.600евра
2. ООУ “Димитар Поп Георгиев – Беровски“, Скопје – Набавка на електромоторен транспортер за инвалидска количка (гасеничар). Одобрен износ: 4.000евра
3. Национално здружение за социјална инклузија “Соѕвездие“, Скопје – градежна реконструкција на адаптиран тоалет за лица со телесна попреченост над 18 години. Одобрен износ: 3.500евра
4. НВО за грижа на лица со церебрална парализа “Пркос“, Скопје, Набавка на ортопедски помагала. Одобрен износ 1.700евра
5. Асоцијација за деца и младинци со посебни потреби “Ластовица“, Скопје  - Набавка на логопедска опрема и уреди. Одобрен износ: 1.000евра
6. „Детелинка плус“ - Центар за поддршка на деца и млади со пречки во развојот, Битола - Набавка на дидактички материјали. Одобрен износ: 1.000евра
7. ООУ “Кузман Јосифовски - Питу“ паралелка за деца со оштетен слух, Скопје - набавка на училишен инвентар. Одобрен износ: 1.000евра
8. Дневен центар за лица со церебрална парализа, Скопје – Набавка и поставување на Роло завеси (ролетни) за прозорците во дневниот центар. Одобрен износ: 1.000евра
9. ЈЗУ „Здравствен Дом Скопје„ – Компјутерска опрема. Одобрен износ: 1.000евра
10. Здружение за давање услуги на лица со попреченост ХАНДИМАК – Тетово - Опремување на сензорна соба за потребите на децата и ученици со попреченост. Одобрен износ: 1.000евра
11. Здружение за развој на општествена одговорност „Мој пат“ – Скопје. Поддршка во набавка на симулатор за одење. Одобрен износ: 2.000евра
12. Здружение на лица со церебрална парализа и други попречености- Велес. Градежни работи за уредување на дворно место. Одобрен износ: 1.200евра

Стопанска банка АД – Скопје
На ваша страна