3. 11. 2021

Голем успех на нашите колеги на спортските игри

Синдикалната организација на работниците од финансиските организации на Македонија – СФОМ, по повод светскиот ден на штедење кој традиционално секоја година се одбележува на 31 октомври и годинава организира спортски активности помеѓу банките и останатите финансиски институции членки на СФОМ.

Оваа година традиционалните спортски игри по повод “Ден на штедење” се одржаа на 30. 10. 2021 година во СЦ Мондано согласно сите ковид протоколи и поминаа во позитивна и пријателска атмосфера каде преовладуваше натпреварувачкиот дух на учесниците и каде фер плејот беше во преден план. Членовите на синдикатот на финансиските организации на Македонија учествуваа и се натпреваруваа во: мал фудбал, одбојка, пикадо, баскет, шах, куглање, пинг понг и тенис.

Вработените од Стопанска банка АД - Скопје успешно се покажаа освојувајќи притоа:

• Прво место тенис - жени
• Прво место тенис - мажи
• Прво место шах
• трето место куглање - мажи

Благодарни сме на нивниот ангажман и им посакуваме уште бројни спортски и професионални успеси.

Стопанска банка АД - Скопје
На ваша страна