24. 12. 2024

ДОМА е поубаво со новиот „Магнолија парк“

Стопанска банка, го круниса својот 80ти јубилеј со донација на 80 школувани садници од врстата Magnolia Grandiflora и заедно со претставници од Град Скопје отвори нов „Магнолија парк“ во рамки на градскиот парк во Скопје.

Високите садници и патеките кои се изградени низ новиот парк ќе бидат вистинско уживање за сите посетители на паркот, но во исто време ќе бидат од големо значење за животната средина – преку чистиот воздух, храната за поленаторите, како и новиот дом за останатиот животински свет кој гравитира во паркот.

Стопанска банка преку проектот #ЗеленЅид веќе 2 цели години засадува зимзелени и листопадни садници на повеќе локации во Градот со пролетна и есенска акција, и притоа создава подобра зелена иднина за сите.

Дел од промоцијата на новиот парк беа сегашните и пензионираните вработени на Банката кои добија благодарност за својот придонес во работата, но и посвета и можност да го засадат дрвото посветено ним и на сите идни вработени кои ќе растат заедно со Стопанска банка во годините што доаѓаат. Присутните заклучија дека ДОМА е поубаво со новиот „Магнолија парк“ и дека ќе се грижат за своите дрвја, што за Банката претставува поттик за понатамошни партнерски соработки со јавните институции во полза на граѓаните и на заедницата.

Голема благодарност до Градот Скопје кои се наши партнери во проектот #ЗеленЅид. Грижата за досега засадените 2.000 садници е на ЈП Паркови и зеленило со кои се планира и гради градското зеленило, но и на нашите колеги кои учествуваат во секоја акција и на секој наш сограѓанин затоа што зеленилото е од заеднички интерес.

Стопанска банка АД – Скопје
80години, на ваша страна

За донацијата:
Магнолија паркот се наоѓа на почетокот на градскиот парк, од влезот од бул. Илинден покрај ЗОО Скопје. Се протега на површина од 2000м2 и се состои од 2 пешачки патеки и 80 х 6 годишни стебла од врстата Magnolia Grandiflora. Изборот на дрвјата чиј симбол се впечатливите розови цветови е направен бидејќи наликува на корпоративните бои на Стопанска банка, но и да создаде атрактивна нова содржина во градот која со секоја измината година ќе биде се поубава и побогата.
Стеблата претходно беа контролирани од Факултет за земјоделски науки и храна - Скопје при УКИМ во Скопје и Факултетот за шумарски науки, пејзажна архитектура и eкоинженеринг „Ханс Ем“ вклучително и почвата кај што се засадени со препораки за прихрана. Во следните денови ќе биде поставена и водоводна мрежа за постојано наводнување на принципот капка-по-капка за одржливост на садниците на долг рок.
Изведбата на паркот и засадувањето на дрвјата беше реализирана од ЈП Паркови и зеленило и ЈП Улици и патишта.