Добитници на грант од четвртото издание „Сонуваме. Менуваме.“

Пред почетокот на првиот од 15те инклузивни концерти на „Сонуваме. Менуваме.“ Стопанска банка АД - Скопје традиционално ги открива добитниците на грантови од асоцијациите на лица со посебни потреби кои Банката ги повика минатиот месец да испратат барања.

Комисијата во Банката ги анализира барањата и прави селекција на истите согласно можностите со овие барања да се опфатат поголем број на деца, да се овозможи континуирана работа со нив преку нови едукативни или физиотерапетски методи како и да се овозможни нивна поголема слобода во движење и игра.

Им благодариме на сите кои поднесоа барање за грант, имавме и оваа година прекрасни осмислени барања кои делумно или целосно ќе бидат поддржани со донациите.

Во текот на годината Банката продолжува да соработува со асоцијациите, со лицата со посебни потреби и да ги поддржува преку дополнителни активности и модели на соработка со што придонесуваме да се поттикнува и одржува инклузијата не само за време на кампањата #СонувамеМенуваме туку во текот на целата година.

Асоцијациите ќе ја продолжат комуникацијата со Банката за реализација на побараните грантови. Во продолжение е листата на 11те проекти кои ќе се реализираат од донациите од оваа година:

1. ООУ “Кузман Јосифовски - Питу“ паралелка за деца со оштетен слух - набавка на училишен инвентар. Одобрен износ: 1.000евра
2. “Кочо Рацин“ Завод за рехабилитација на деца со оштетен слух, вид, говор, глас и други пречки во развојот, Битола - градежна реконструкција на занимална и тоалети за деца со посебни потреби од предучилишна возраст. Одобрен износ: 1.500евра
3. “Трисомија 21“ - Здружение на граѓани за помош и поддршка на лица со Даунов синдром - работа со логопед и дефектолог 2 пати неделно по 4 часа. Одобрен износ 1.500евра
4. “Ластовица“ Асоцијација за деца и младинци со посебни потреби - Набавка на смарт табла и проектор за поттикнување на развојот на говорот. Одобрен износ: 1.500евра
5. „Детелинка плус“ - Центар за поддршка на деца и млади со пречки во развојот, Битола - Ангажман на логопед и дефектолог за децата корисници на центарот. Одобрен износ: 1.500евра
6. „Доза среќа“ - здружение за рехабилитација и инклузија на лица со Даунов синдром - Ангажман на Александар Матовски - Цако како првиот дипломиран професор за предучилишна возраст со Даунов синдром за работа со деца со Даунов синдром од предшколска возраст. Одобрен износ: 1.500евра
7. „Види ме“ - здружение на родители на деца со оштетен вид - Набавка на 3 тандем-велосипеди за рекреација на лицата со оштетен вид и Набавка на bone-conducting wireless слушалки. Одобрен износ: 1.200 евра
8. „Сонце“ - Центар за инклузија, социјализација и работно оспособуање на лица со попреченост, Велес - социјализација со работилници за животни вештини, ликовна уметност, шиење, грнчарство, IT. Одобрен износ: 1.500евра
9. НВО “Пркос“ - НВО за грижа на лица со церебрална парализа - Обука за BOWEN метод на физикална терапија. Одобрен износ 1.600евра
10. “Имаго плус„ - здружение на граѓани за поттикнување на психосоцијалната свест - Набавка на квалитетни дидактички средства и книги за полесен и покреативен третман. Одобрен износ 1.500евра
11. „Димитар Влахов“ Државно училиште за рехабилитација на деца и младинци со оштетен вид - набавка на звучни карти за користење на студио опремата во школото за снимање на аудио книги за децата со оштетен вид. Одобрен износ 800евра

Стопанска банка АД - Скопје

75 години на Ваша страна