Патувањата и одморот во странство се најчесто поврзани со убави спомени и доживувања. Но при секое патување постои можност за случување на одредена неприлика која може да не изненади и да ни го расипе расположението.

Некои непријатни настани, колку и да се обидуваме да ги избегнеме, се случуваат токму за време на нашите патувања. Затоа патничкото осигурување е нешто што треба секогаш да го имаме во предвид при секое патување во странство, затоа што тоа ни ја обезбедува потребната медицинска помош далеку од нашиот дом и пријатели. За таа цел, Стопанска банка во соработка со Кроација Осигурување/Неживот обезбеди најповолни услови за патничко осигурување кои ве ослободуваат од стресот при патувањата.

Дополнително, Стопанска банка за корисниците на Visa или MasterCard кредитните картички на Стопанска банка нуди бесплатно годишно патничко осигурување со покритие од 20 дена. Притоа, корисниците на СБ кредитни картички неопходно е годишно да го активираат бесплатното патничко осигурување, со посета на било која од филијалите на Банката или со јавување на телефонот на Контакт Центарот (02/3100 109), каде покрај бесплатното осигурување за себе имаат можност да купат патничко осигурување и за своите блиски под преференцијални цени и услови.

Патничкото осигурување вклучува:

• Итна медицинска нега, консултација со доктор и трошоци за лекување
• Хоспитализација и превоз со медицинско возило доколку се неопходни
• Транспорт до земјата, доколку поради оправдани причини не е можно враќање на планираниот начин

Воедно, со патничкото осигурување достапно преку Стопанска банка добивате и: 

• Можност за проширување на покритијата на полисата со поволни доплатоци на основниот пакет.
• Можност за Ковид-19 покритие на патничкото осигурување (задолжително за патување во некои земји)
• Можност за вклучување на дополнително осигурително покритие со доплата за:
• Осигурување од незгода;
• Осигурување на багаж и надомест за загуба на патни документи;
• Ковид - 19
• Можност за семејна форма на патничко осигурување за сите патувања.

Патничкото осигурување е достапно во сите филијали на Банката и 24/7 преку Контакт Центарот на (02) 3100 109.

При потреба на итна медицинска интервенција веднаш, а најдоцна во рок од 24 часа од настанување на осигурениот случај, да се јавите на партнерот за поддршка CORIS Assistance и на телефонскиот број: +381 11 3636905, наведен на корицата од условите за патничко осигурување.

Доколку не успеете да воспоставите контакт со Асистентската куќа, може да се обратите на:

• e-mail: sos@crosig.mk
• тел. +389 2 3251 136; +389 2 3251 117 (од понеделник до петок, од 08:00 до 16:00 часот).
• Важна напомена: старосна граница за патничко осигурување е 70 години.

Blue Travel полиса

За сите клиенти кои не се корисници на кредитна картичка во СБ, а имаат потреба од полиса за одреден временски период, односно за конкретен број на денови, може да се изработи Blue Travel полиса.

Групно/ Семејно патничко осигурување

За група на корисници ( семејство, туристичка група итн.) кои патуваат на иста дестинација, во ист временски период, може да се изработи полиса Групно/ Семејно патничко осигурување која нуди можност за избор на конкретен број на денови согласно потребите на корисниците.

КАКО ДА ПРИЈАВИТЕ ШТЕТА?

Совети и помош во случај на штета (комуникација со асистентска куќа)

Сите друштва за осигурување што нудат патничко осигурување имаат склучено договори со асистентски куќи во странство што обезбедуваат 24 часа помош во случај на потреба од итна медицинска помош. Доколку се случи непосакуван настан и имате потреба од помош и совет јавете се на бројот на асистентската куќа наведен во полисата или условите за осигурување. Следете ги советите што ви ги даваат и не превземајте ништо без претходно одобрение (на пример предвремено враќање дома, репатриација, трансфер од една во друга болница). Запомнете дека доколку сте користеле здравстевени услуги без одобрение на асистенстската куќа или вашето друштво за осигурување трошоците ќе Ви бидат делумно надоместени. 

Штетата треба да ја пријавите во рокот за пријавување наведен во условите за осигурување. Најчесто рокот е 24 часа од моментот на склучување на штетата.

Чувајте ја оригиналната документација и оригналните сметки што подоцна ќе треба да ги предадете во вашето друштво за осигурување. Пред да ја предадете оригиналната документација направете копија за себе. Кога штетата не надминува одреден износ определен со условите за осигурување износот може да го платите сами, а друштвото за осигурување ви го надоместува износот што сте го платиле по вашето враќање во земјата. Доколку износот е повисок за плаќањето ќе се погрижи вашето друштво за осигурување во соработка со болницата и со асистентската куќа.