За кредитни производи

Стопанска банка АД - Скопје нуди богат избор на кредитни производи прилагодени на потребите на клиентите:

Револвинг кредитни производи. Кај овие производи Банката одобрува кредитна рамка која клиентот ја користи согласно потребите во целост или делумно. Притоа, камата се пресметува и наплаќа само на искористениот износ од кредитната рамка со месечна пресметка и предвидена минимална месечна отплата. Рокот на користење на производот зависи од желбите на клиентот кој исто така може да одлучи да го намали или зголеми износот на кредитната рамка која сака да ја има на располагање. Одберете еден од овие производи:

• Кредитни картички - VISA или MasterCard
• МОЈ КЕШ
• Дозволено пречекорување

Ануитетски кредити - кредитни производи со однапред утврдена динамика за отплата: еднакви месечни рати, амортизационен план (преглед на сите месечни ануитети во рокот на отплата), дефинирани услови за предвремена отплата и промена на рок.

Ненаменски потрошувачки кредитни производи со еднакви месечни ануитети. Кај овие кредитни производи клиентот бара одреден износ на кредит кој го добива на располагање на својата трансакциска сметка. Клиентот исто така избира рок на отплата и притоа се води од месечниот ануитет кој ќе треба редовно месечно да го плаќа до истекот на избраниот рок на отплата. Дополнително разликуваме кредитни производи со и без обезбедување.

• Потрошувачки необезбеден кредит - со износ на кредит до 25.000евра и до 10 години рок на отплата.
• Потрошувачки обезбеден кредит - со износ на кредит до 80.000евра и до 20 години рок на отплата. Обезбедување: залог на недвижен имот што со себе повлекува трошок за осигурување на имотот за целиот пердиод на отплата, но и трошоци за нотарска солемнизација на договорот за кредит.

Наменските кредити се станбените и автомобилските кредити кај кои одобрените средства Банката ги исплаќа директно на сметката на продавачот на автомобилот односно на недвижниот имот или на градежната компанија ангажирана за изведба на објектот. Клиентот го избира износот на кредит и рокот на отплата а кај овие кредити неопходно е и % учество за комплетирање на финансиската конструкција. Како обезбедување на овие кредити се користи недвижен имот или депозит. Во наменските производи кај кои се користи обезбедување со залог на имот предвидено е и осигурување на тој имот за времетраење на отплатата. Дополнително, кај овој вид на кредити неопходна е нотарска солемнизација на договор за кредит.

• Станбен кредит
• Купување на имот во градба
• Автомобилски кредит

Кредитните апликации се примаат преку филијалите на Банката или 24/7 преку Ало кредит на 15110. Притоа, од сите наши продажни агенти можете да добиете детални информации за кредитните производи и да изберете производ што најдобро се вклопува со вашите потреби и можности.