VISA Direct

Visa Direct е сервис за брз трансфер на средства кон Visa картички во земјата.

Преку овој сервис се овозможува 24/7 префрлање на средства од сметка во СБ кон Visa картичка издадена од било која банка во земјата (кон СБ картички и кон картички од други банки). Наскоро функционалноста ќе биде овозможена и преку мобилната апликација на СБ.

По извршениот пренос на средства преку Visa Direct, средствата се веднаш на располагање на Visa картичката на примачот, а книжењето на средствата на сметката на испраќачот и примачот се врши наредниот ден.

Во моментов е возможно префрлање на средства кон Visa картички само во земјата, а дополнително во скоро време очекуваме да биде овозможено и кон странски Visa картички.

Visa Direct сервисот овозможува едноставен трансфер на средства помеѓу физички лица, без потреба од банкарски податоци, и тоа на два начини:

• Кон број на Visa картичка доколку го знаете 16-цифрениот број на картичката или
• Кон алиас преку Visa+, односно се користи мобилен број на корисникот како алиас, наместо бројот на Visa картичката (доколку овој сервис е овозможен од банката на примачот).

Процесирањето на трансакции преку Visa Direct сервисот во моментов е БЕЗ ТРОШОК, а дополнително ќе бидете известени за воведување на надомест.

Преку електронското банкарство сервисот е достапен под називот Visa Direct плаќање во листата на налози во вашата платежна сметка која е поврзана со платежна картичка во СБ.

Откако ќе го изберете менито Visa Direct плаќање, ќе се отворат 2 поткатегории:

• Плаќање кон Visa+ - Можете да испратите пари кон Visa+ корисник кој има креирано алиас, односно својот мобилен број го поврзал со Visa платежна картичка.
• Плаќање кон Visa картичка – Можете да испратите пари кон Visa картичка доколку го знаете 16-цифрениот број на картичката на примачот. Можете да вршите плаќања кон дебитни и кредитни картички.